قبل ما تشتري هارد ديسك وتحديدا ويسترن ديجتال إقرأ الموضوع ده

إيه اللى بتفكر فيه قبل ما تشتري هارد ديسك ـ أكيد السعة بتاعته (كام جيجا) وطبعا نوعه. فيه حاجات تانية مهمة جدا في مواصفات الهارد ديسك الكثير منا يغفل عنها .... وهي:

1- Buffer Memory

وتعنى الذاكرة المخبئية أوالمؤقتة ؛ تسرع قراءة البيانات من الهارد ديسك وفكرتها بكل بساطة إنها بتقرأ البيانات المخزنة على الهارد ديسك عند طلبها لأول مرة وحفظها بشكل مؤقت على شريحة الذاكرة والمثبتة على بوردة الهارد. يعنى لما تيجي تشغل برنامج أو لما تحتاج للبيانات دي تقوم الذاكرة بتزويدها للكمبيوتر بشكل سريع جدا وأسرع من انها تقرأها من القرص مباشرة بدون هذه الذاكرة المؤقتة. (فاهمين يا شباب؟؟) سعة هذه الذاكرة قد تكون 2 ميجا أو 8 ميجا أو 16 ميجا. وكلما ذادت السعة كلما كان ذلك أفضل وأسرع.
ودي صورة ليها :

[RPM Revolutions Per Minute
يعنى عدد لفات القرص فى الدقيقة كلما زادت سرعة دوران الديسك أصبح الأداء أفضل وطبعا أسرع. في أجهزة الكمبيوتر الشخصي الـ PC بتكون سرعتها: 5400 RPM 7200 RPM 10000 RPM 15000 RPMاما فى الكمبيوترات المحمولة (الاب توب) بتكون 4200 RPM 5100 RPM 7200 RPM

3- واجهة القرص

يعنى PATA (اللى الكابل بتاعه عريض) أو SATA ساتا وهو النوع الأحدث والساتا يتوافر منه موديلان ساتا 1 وساتا 2 ........... الساتا 1 سرعه نقل البيانات فيه 1.5gbps
أما الساتا 2 فتبلغ سرعة نقل البيانات فيه 3gbps(جيجا بايت في الثانية) gbps

ودي صورة للتوضيح

الكابل إللى على اليمين هو الساتا والتاني هو الباتا (مش باتا بتاعنا يا شباب)

المكان اللى بيركب فيه كابل الساتا في المازربود

قبل ما تشتري هارد ديسك وتحديدا ويسترن ديجتال إقرأ الموضوع ده Sata

قبل ما تشتري هارد ديسك وتحديدا ويسترن ديجتال إقرأ الموضوع ده Sata

زي ما حضراتكم شايفين في الصورة فيه أربع أماكن للساتا فى المازبورد اللى موجودة فى الصورة أسود ، أورانج ، أزرق ، أحمر . ولازم تتأكد من وجود مكان للهارد الساتا في المازربود اللى عندك في حالة لو حبيت تشتري النوع ده.

صورة للهارد الويسترن الساتا

قبل ما تشتري هارد ديسك وتحديدا ويسترن ديجتال إقرأ الموضوع ده Wd2500_1

قبل ما تشتري هارد ديسك وتحديدا ويسترن ديجتال إقرأ الموضوع ده Wd2500_1

شايفين في الصورة إنه يختلف تماما عن شكل الهارد الباتا. (الوصلة إللى على الشمال هي وصلة الباور ولو مش موجود عندك الوصلة دي ممكن بكل سهولة تركب وصلة الباور القديمة فى المكان اللى على اليمين .

ندخل دلوقتي على مواصفات الهارد ديسك الويسترن ديجيتال ....... وأنا اخترت الويسترن ديجتال لأنه من أشهر الأنواع إللى موجودة في مصر واللى عايز يعرف مواصفات أي نوع أخر يقولي.

قبل أن تشتري الهارد أنظر إلى موديله وتجده في المكان الموضح في الصورة التالية

وإليك دلالة هذه الحروف والأرقام

Western Digital

WDx0ab

WD

هي إختصار لـ Western Digital

X
هي السعة التخزينية للقرص الصلب

0 (صفر)
تقوم شركة ويسترن ديجيتال بوضع صفر إضافي بعد السعة التخزينية مثلا WD1600 يعنى سعة الهارد 160 جيجا

a
حجم الذاكرة المؤقتة وعدد دورات أو لفات القرص فى الدقيقة حرف الـ a هيتبدل بأحد القيم التالية
- B = 2MB 7200RPM
سعة الذاكرة 2 ميجا وعدد اللفات 7200 لفة في الدقيقة
- J = 8MB 7200RPM
سعة الذاكرة 8 ميجا وعدد اللفات 7200 لفة في الدقيقة
- K = 16MB 7200RPM
سعة الذاكرة 16 ميجا وعدد اللفات 7200 لفة في الدقيقة
- G = 8MB 10,000RPM
سعة الذاكرة 8 ميجا وعدد اللفات 10000 لفة في الدقيقة
=========================

b
واجهة الهارد ديسك وهتتبدل بالقيم التالية
B = PATA الواجهة القديمة (الكابل العريض)

D = 1.5 gbps SATA ساتا 1 بسرعة جيجا ونصف بايت في الثانية
- S = 3 gbps SATA ساتا 2 بسرعة 3 جيجا بايت في الثانية

مثال توضيحي

الهارد الموجود في الصورة السابقة موديله WD3200JB
يعنى السعة 320 جيجا بايت – حجم الذاكرة المؤقتة J هو 8 ميجا بايت وعدد اللفات 7200 واجهة الهارد ديسك B باتا (الكابل العريض)